प्रशस्त भनेको के हो?

~ “पर्याप्त”: “वि० – [सं०] १. चाहिएजति; प्रशस्त; यथेष्ट; काफी; पुग्दो; लात्तीकुत्ती। २. पाइएको; प्राप्त। ३. समर्थ।

“प्रशस्त (Abundant)”को अर्थ हिब्रूमा:
~ “रयाब (רב)”को अर्थ हुन्छ— (ठोस संज्ञामा) प्रशस्त; भरिपूर्ण (यर्मि.51:13)।
~ “गडेल गडोल (גּדל גּדול)”को अर्थ हुन्— प्रशस्ती हुनु (यशै.56:12 KJV)

“प्रशस्त (Abundant)”को अर्थ ग्रीकमा:
~ “पेरिस्सोटेरोस् (περισσότερος)”को अर्थ हुन्छ— (ठोस संज्ञामा) प्रशस्त; बढ़ी; धेरै (१कोर.12:23)।
~ “पेरिस्स्यूओ (περισσεύω)”को अर्थ हुन्छ— (ठूलो मात्रामा) प्रशस्त रहनु (मत्ती 25:29; फिलि.1:26); सबैभन्दा बढ़ता (मर्कू.12:42-44)।
~ “प्लेओनाज़ो (πλεονάζω)”को अर्थ हुन्छ— (साधरण) प्रशस्त, प्रचूर वा धेरै हुनु (२कोर.4:15; 9:12)।
~ “हुपरप्लेओनाज़ो (ὑπερπλεονάζω)”को अर्थ हुन्छ— पोखिने गरी प्रशस्त (लूका 6:38); अत्यन्तै धेरै; प्रशस्तै (१तिमो.1:14 KJV)।
~ “पोलुस पोलोस (πολύς πολλός)”को अर्थ हुन्छ— सिमाविहिन, महान, अपार, प्रशस्त (अनुग्रह, कृपा) हुनु (१पत्रु.1:3 KJV)।
[“प्रशस्त”को विशेष भाव र अर्थको लागि बढ़ता किङ्गजेम्स भर्जनबाट राख्ने प्रयास गरेको छु।]

“योसेफले समुद्रका बालुवासरी प्रशस्‍त मात्रामा अनाजहरू सञ्‍चय गरे, यहाँसम्‍म कि ती अघोर प्रशस्‍त भएको कारणले तिनले हिसाब राख्‍न पनि छोड़िदिए।” (उत्‍पत्ति 41:49 NNRV)

मोशाले इस्राएलीहरूलाई भने, “मैले आज आदेश दिएका परमप्रभु तिमीहरूका परमेश्‍वरको वचन तिमीहरूले होशियारीसाथ पालन गर्‍यौ भने, तिमीहरूमा कोही गरीब हुनेछैन, किनभने तिमीहरूको अधिकारमा दिनुहुने देशमा परमप्रभु तिमीहरूका परमेश्‍वरले तिमीहरूलाई प्रशस्‍त आशिष्‌ दिनुहुनेछ।” (व्यवस्था 15:4-5 NNRV)

दाऊद भजनमा भन्छन्, “आपत्‌का दिनमा तिनीहरू लाजमा पर्नेछैनन्‌, र अनिकालका दिनमा तिनीहरूसँग प्रशस्‍त हुनेछ।” (भजनसंग्रह 37:19 NNRV)

सोलोमनले राजाको निम्ति भजन गाए: “उनको राज्‍यकालमा धर्मीहरूको फलिफाप हुनेछ, र जून रहुञ्‍जेल उन्‍नति प्रशस्‍त हुनेछ।” (भजनसंग्रह 72:7 NNRV)

आसापले भजनमा भने, “उहाँले उजाड-स्‍थानमा चट्टानहरूलाई दुई भाग पार्नुभयो, र सागरमा झैँ प्रशस्‍त पानी पिउन दिनुभयो।” (भजनसंग्रह 78:15 NNRV)

दाऊद भजनमा भन्छन्, “हे परमप्रभु, तपाईं भला र क्षमाशील हुनुहुन्‍छ, र तपाईंलाई पुकारा गर्नेहरू सबैलाई तपाईंको प्रेम प्रशस्‍त रहन्‍छ।” (भजनसंग्रह 86:5 NNRV)

“हे परमप्रभु, तपाईं कृपालु र अनुग्रही परमेश्‍वर हुनुहुन्‍छ, क्रोध गर्नमा ढिला, प्रेम र विश्‍वस्‍ततामा प्रशस्‍त हुनुहुन्‍छ।” (भजनसंग्रह 86:15 NNRV)

हितोपदेशक भन्छन्, “आफ्‍नो खेतबारी खनजोत गर्नेको प्रशस्‍त खानेकुरा हुन्‍छ, तर कल्‍पनाका पछि लाग्‍ने विनासमझको हुन्‍छ।” (हितोपदेश 12:11 NNRV)

“जहाँ गोरुहरू छैनन्, त्‍यहाँ भकारी खाली रहन्‍छ, तर गोरुको बलले प्रशस्‍त फसल कटनी हुन्‍छ।” (हितोपदेश 14:4 NNRV)

“… जसले दोषीको अपराध साबित गर्छ। त्‍यस व्‍यक्तिमाथि प्रशस्‍त आशिष्‌ बर्षनेछ।” (हितोपदेश 24:25 NNRV)

यशैया भन्छन्, “तिमीहरूले जमिनमा छर्ने बीउका निम्‍ति उहाँले पानी पठाइदिनुहुनेछ। भूमिबाट उब्‍जने अन्‍न सप्रिएका र प्रशस्‍त हुनेछन्‌। त्‍यस दिन गाई-गोरुहरू फराकिला चरनमा चर्नेछन्‌।” (यशैया 30:23 NNRV)

परमप्रभु बेबिलोनलाई भन्नुहुन्छ, “हे धेरै पानीमाथि बसोबास गर्ने, धनसम्पत्तिले भरिपूर्ण, तेरो अन्त्य आएको छ, र तेरो लोभको सिमा पूरा भएको छ।” (यर्मिया 51:13 KJV)

आफ्‍ना चेलाहरूलाई आफूकहाँ बोलाएर येशूले तिनीहरूलाई भन्‍नुभयो, “साँच्‍चै म तिमीहरूलाई भन्‍दछु, भेटीपात्रमा चढ़ाउनेहरूमध्‍ये यस गरीब विधवाले सबैभन्‍दा बढ़ी चढ़ाई। किनभने सबैले आफ्‍नो-आफ्‍नो प्रशस्‍तताबाट चढ़ाए, तर यस स्‍त्रीले चाहिँ आफ्‍नो दरिद्रताबाट आफ्‍नो सारा जीविका नै अर्पण गरी।”(मर्कूस 12:43-44 NNRV)

येशूले धनी मूर्खको दृष्टान्तमा मानिसहरूलाई भन्‍नुभयो, “होशियार रहो, सबै किसिमका लालचबाट जोगिने काम गर, किनकि मानिसको जिन्‍दगी उसको धन-सम्‍पत्तिको प्रशस्‍ततामा रहँदैन।” (लूका 12:15 NNRV)

पावल मण्डलीहरूलाई भन्छन्, “हामी के भनौं? के अनुग्रह प्रशस्‍त मात्रामा होस्‌ भनेर हामी पापमा लागिरहौं त? त्‍यसो नहोस्! …….?” (रोमी 6:1-4 NNRV)

“शरीरका ती अंगहरू, जसलाई हामी कम आदरणीय ठान्छौं, तिनीहरूलाई हामी प्रशस्त सम्मान दिन्छौं; र हाम्रा अशिष्ट अंगहरू अझ प्रशस्त शोभामा छन्। (१ कोरिन्थी 12:23 KJV)

“किनकि सबै कुरा तिमीहरूकै खातिर हो, ताकि धेरै जनाको धन्यवादद्वारा प्रशस्त अनुग्रह परमेश्वरको महिमाको निम्ति बढोस्।” (२ कोरिन्थी 4:15 KJV)

“परमेश्‍वरले तिमीहरूलाई हरेक आशिष्‌ प्रशस्‍त मात्रामा दिन सक्‍नुहुन्‍छ, ताकि तिमीहरूसित सधैँ नै हरेक कुरा प्रशस्‍त होस्, र हरेक असल कामको निम्‍ति तिमीहरूले प्रशस्‍त मात्रामा दिन सक।” (२ कोरिन्थी 9:8 NNRV)

“किनकि यस सेवाको व्यवस्थापनले सन्तहरूको अभाव मात्र पूरा गर्दैन, तर परमेश्वरलाई धेरै धन्यवाद दिएर पनि प्रशस्त हुन्छ।” (२ कोरिन्थी 9:12 KJV)

“उहाँको अपार अनुग्रहअनुसार ख्रीष्‍टको रगतद्वारा हामी उहाँमा उद्धार, हाम्रा पापको क्षमा, पाउँछौं, जुन अनुग्रह उहाँले हामीलाई प्रशस्‍त मात्रामा दिनुभयो।” (एफिसी 1:7-8 NNRV)

“उहाँ (ख्रीष्ट)लाई, जसले हामीभित्र काम गर्ने उहाँको शक्तिअनुसार हामीले मागेको वा चिताएको भन्‍दा ज्‍यादै प्रशस्‍त मात्रामा गर्न सक्‍नुहुन्‍छ, उहाँलाई नै पुस्‍ता-पुस्‍तासम्‍म मण्‍डली र ख्रीष्‍ट येशूमा सदासर्वदा महिमा होस्‌। आमेन।” (एफिसी 3:20-21 NNRV)

“मेरो प्रार्थना यही छ, कि ज्ञान र अन्‍तर्दृष्‍टिमा तिमीहरूको प्रेम झन्‌-झन्‌ प्रशस्‍त हुँदैजाओस्, …..। परमेश्‍वरका महिमा र प्रशंसाको निम्‍ति येशू ख्रीष्‍टद्वारा आउने धार्मिकताका फलले तिमीहरू भरिपूर्ण होओ।” (फिलिप्पी 1:9-11 NNRV)

पत्रुस भन्छन्, “परमेश्‍वरको र येशू हाम्रा प्रभुको ज्ञानमा अनुग्रह र शान्‍ति तिमीहरूमा प्रशस्‍त हुँदैजाओस्‌।” (२ पत्रुस 1:2 NNRV)

येशूले चेलाहरूलाई भन्‍नुभयो,

“फसल प्रशस्‍त छ, तर खेतालाहरू थोरै छन्‌। यसकारण फसलका प्रभुलाई प्रार्थना गर, र उहाँले आफ्‍नो फसलमा खेतालाहरू पठाइदेऊन्‌।” (मत्ती 9:37-38 NNRV)

“जससँग छ, त्‍यसलाई दिइनेछ, र त्‍यससँग प्रशस्‍त हुनेछ। तर जससँग छैन, त्‍यससँग भएको पनि त्‍यसबाट खोसिनेछ।” (मत्ती 13:12 NNRV)

“देओ, र तिमीहरूलाई पनि दिइनेछ। मानिसहरूले प्रशस्‍त परिमाणमा खाँदीखाँदी बेसरी हल्‍लाएर, पोखिने गरी तिमीहरूको पोल्‍टामा राखिदिनेछन्‌। किनकि जुन नापले तिमीहरू दिन्‍छौ, त्‍यही नापमा तिमीहरूले पनि फिर्ता पाउनेछौ।” (लूका 6:38 NNRV)

“चोर त चोर्न, मार्न र नाश पार्न मात्र आउँछ। म त तिनीहरूले जीवन पाऊन्, र त्‍यो प्रशस्‍त मात्रामा पाऊन्‌ भन्‍ने हेतुले आएँ।” (यूहन्‍ना 10:10 NNRV)

[प्रिय, प्रशस्त आशिषको जीवनले हाम्रो प्रभुको महिमा होस्।]